"Həkimlərimizi tanıyaq!" rubrikasının qonağı bu dəfə TƏBİB-in tabeliyindəki Ağsu Rayon Mərkəzi Xəstəxanasının şüa diaqnostika üzrə həkimi Susanna Məhərrəmovadır.
O. 1986-cı il 16 aprel tarixində Ağsu rayonunun Ərəbmehdibəyli kəndində anadan olub. 2003-2009-cu illərdə Azərbaycan Tibb Universitetinin Pediatriya fakültəsində təhsil alıb. 2009-2010-cu illərdə Azərbaycan Tibb Universitetinin Onkoloji Xəstəxanasında Şüa diaqnostika üzrə internatura keçib.
Susanna Məhərrəmova 2013-2015-ci illərdə Ağsu Rayon Mərkəzi Xəstəxanasında şüa diaqnostika üzrə həkim vəzifəsində çalışıb. 2020-ci ildə Respublika Diaqnostika Mərkəzinin Müəssisədən kənar tibbi xidmətinin təşkili şöbəsində həkim koordinator vəzifəsinə qəbul olunaraq Şamaxı Asan Xidmət mərkəzində həkim-koordinator kimi tibb qrup rəhbəri işləyib.
O, 2021-ci ildən Ağsu Rayon Mərkəzi Xəstəxanasında şüa diaqnostika (USM) üzrə mütəxəssis işləyir.
Həkim 09.10.2023-09.11.2023-cü illər tarixində Türkiyənin İstanbul Tibb fakültəsinin “Kadın Hastalıkları və Perinatoloji Bölümdə Fetal Doppler” kursunda iştirak edərək sertifikat əldə edib.