Milli Məclisin Səhiyyə komitəsində “Tibbi tullantıların idarə olunması: mövcud vəziyyət, problemlər və onların həlli yolları” mövzusunda ictimai dinləmə keçirilib.

Mərkəzi Gömrük Hospitalından Aztibb.az-a verilən xəbərə görə, Dövlət Gömrük Komitəsi Tibbi Xidmət İdarəsinin rəis müavini, t.ü.f.d., dosent İsmayıl Əfəndiyev müzakirələrdə iştirak edib.

O, öz çıxışında həmin məsələnin aktuallığını qeyd edərək tibbi tullantıların toplanması, saxlanması, emalı, zərərsizləşdirilməsi və kənarlaşdırılması yolları, eyni zamanda bu sahədə qanunvericiliyin təkmilləşdirilməsinin zəruriliyi ilə bağlı fikirlərini bildirib və təkliflərini səsləndirib.