İctimai fəallığı ilə fərqlənən Azərbaycan Tibb Universitetinin (ATU) Biokimiya kafedrasının baş müəllimi, biologiya üzrə fəlsəfə doktoru Firəngiz Quliyeva bu günlərdə “Əsgərə xatirə kitabı” layihəsi çərçivəsində növbəti dəfə işğaldan azad edilmiş ərazilərimizdəki hərbi hissələrdə olub.

ATU-dan Aztibb.az-a verilən xəbərə görə, F.Quliyeva ölkəmizin dilbər guşələrindən sayılan Laçında 3 hərbi hissənin “Əsgər kitabxanası”na universitetin müəllim və tələbələrinin topladığı 400-ə yaxın kitabı hədiyyə edib. O, əsgərlərlə görüşləri zamanı Vətənimizin keşiyində dayanmış oğullara universitet rəhbərliyinin salamlarını və xoş arzularını çatdırıb.

Məlumat üçün bildirək ki, bu dəfə də tələbələr hədiyyə kitablarda əsgərlərimizə ünvanlanmış ürək sözləri və xoş arzularını yazıblar.