Göygöl Rayon Mərkəzi Xəstəxanasında "Arterial hipertenziya, stereotiplər və reallıqlar" mövzusunda maarifləndirici seminar keçirilib.

Xəstəxanadan Aztibb.az-a verilən xəbərə görə, tədbirdə tibbin müxtəlif sahələrindən həkimlər - nevroloq, terapevt, ailə həkimi, anestezoloq, pediatr həkimləri iştirak edib.

Həkim və tibb heyətin iştirak etdiyi seminarda həkim-kardioloq Vüqar Abbasov sözügedən mövzuda təqdimatla çıxış edib.

Kardioloq xəstəliyin profilaktikası, müalicəsi, ağırlaşmalarının aradan qaldırılması barədə ətraflı məlumat verib.

Qarşılıqlı fikir mübadiləsi şəraitində keçən seminarda iştirakçıları maraqlandıran suallar cavablandırıb.