Səhiyyə Nazirliyi Elmi-Tədqiqat Mamalıq və Ginekologiya İnstitutunda hamiləliyim 28-ci həftəsində dünyaya gələn körpə evə yola salınıb.

Aztibb.az-a İnstitutdan bildirilib ki, mama-ginekoloq Leyla Süleymanovanın nəzarətində olan qadın hamiləliyin 27-ci həftəsində uşaqlıq boynu qısalığı diaqnozu ilə Hamiləliyin patologiyası şöbəsinə köçürülüb. Dölün RDS profilaktikası, saxlayıcı-qoruyucu və antibakterial müalicələr aparılıb. Hamiləliyin 28-ci həftəsində vəziyyəti ilə əlaqədar olaraq L.Süleymanova tərəfindən qeysəriyyə əməliyyatı icra olunub.

Vaxtından əvvəl dünyaya gələn 1300 qram çəkidə olan körpə dərhal Yenidoğulmuşların reanimasiya və intensiv terapiyası şöbəsinə köçürülüb. Həkim-neonatoloq Şəbnəm Yusifzadə və tibbi heyətin nəzarəti altında bir aylıq stasionar nəzarətdə olub.

Aparılan uğurlu müalicələrdən sonra uşaq ailəsinə təhvil verilib.