Aztibb.az xəbər verir ki, bu barədə Mərkəzi Klinikanın ümumi cərrahı, transplantoloq Tariyel Nadirov sosial şəbəkədə məlumat paylaşıb.

 

Məlumatda deyilir: "3 gün əvvəl həyata keçirdiyimiz böyrək nəqli ilə daha bir xəstəmiz dializ almaqdan qurtuldu. Başqa bir donoru olmayınca 72 yaşlı anası donor olmaq istəyib. Aparılan müayinələr sonrası heç bir sağlıq problemi olmadığı üçün anasını donor kimi əməliyyata hazırladıq.

 

Heç sidik çıxışı olmayan xəstəmizdə böyrək köçürülən anda sidik ifrazı başladı.

 

Bu gün hər ikisinin vəziyyəti tam normaldır. Ananı evə göndərdik, yaxın günlərdə isə xəstəmizi evə göndərməyi planlayırıq".

 

T.Nadirov əməliyyatda əziyyəti olanlara təşəkkür edib.