Aztibb.az-a Klinikadan verilən xəbərə görə, əvvəlcə Azərbaycan Respublikasının və Türkiyə Cümhuriyyətinin Dövlət Himnləri səsləndirilib.

 

Seminarda Yeni Klinikanın direktor müavini, Reproduktiv sağlamlıq və ailə planlaması mərkəzinin rəhbəri, uzman həkim Gülnar Nuriyeva, Uşaq sağlamlığı və xəstəlikləri şöbəsinin müdiri, uzman həkim Nigar Bayramova, Türkiyədən dəvət olunmuş uzman uşaq və yeniyetmə psixiatrı Adil Zorlu, uşaq inkişaf eksperti Can Erdoğan və digər nümayəndələr iştirak ediblər.

 

3 hissədən ibarət olan seminarın əsas məqsədi mühazirəçilərə fərqli baxış və fərqli parodiqma təqdim etmək, yeni tibbi biliklərlə autizmə çarənin var olduğunu iştirakçılara nümayiş etməkdən ibarətdir.

 

Tədbir zamanı autizmdə qidalanmanın əhəmiyyəti, funksional tibbi baxış ilə autizmin yaranma səbəbləri, metobolik təhlillərlə izlənməsi, müalicəsi və auztimdə doğru təhsilin əhəmiyyəti barədə məlumat verilib.

 

Sonda Türkiyədən dəvət olunmuş mühazirəçi mütəxəssislərə xüsusi hazırlanmış təşəkkür plaketi, seminar iştirakçılarına isə beynəlxalq sertifikatlar təqdim olunub.