Səhiyyə Nazirliyi V.Y.Axundov adına Elmi-Tədqiqat Tibbi Profilaktika İnstitutunda Elmi Şuranın növbəti iclası keçirilib.

İnstitutdan Aztibb.az-a bildirilib ki, Elmi Şuranın sədri, professor Adil Allahverdiyev iclası açıq elan edib.

Sonra müəssisənin elmi işlər üzrə direktor müavini, professor Akif Qurbanov Elmi Şura üzvlərini gündəlikdə qeyd olunan məsələlərlə tanış edib.

İclasda müzakirəyə çıxarılan birinci məsələ institutun elmi-tədqiqat bölmələrində 2024-cü ildə yerinə yetiriləcək elmi-tədqiqat işlərinin planlarının müzakirəsi olub.

Tədbirdə elmi-tədqiqat bölmələrinin rəhbərləri və məsul icraçılar elmi-tədqiqat işlərinin planlarını təqdim ediblər.

Elmi Şura üzvləri təqdim olunan elmi-tədqiqat planları ətrafında sual-cavab və müzakirədə iştirak ediblər.

İnstitutda 2024-cü ildə yerinə yetiriləcək işlərin planları Elmi Şura üzvləri tərəfindən yekdilliklə qənaətbəxş hesab edilərək qəbul olunub.