Qazax Rayon Mərkəzi Xəstəxanasının Laboratoriya şöbəsi yenidən qurulma və təkmilləşdirilmə ilə bağlı yeni tam avtomat COBAS 311 analizatoru ilə təchiz olunub.

Xəstəxanadan Aztibb.az-a bildirilib ki, analizotor bütün biokimyəvi analizləri daha dəqiq həyata keçirməyə imkan yaradacaq.

Qeyd edilib ki, aparılacaq analizlər həkim göndərişləri əsasında və icbari tibbi sığorta ilə ödənişsiz həyata keçirilir.

Gündəlik aparılan müayinələrin hər birinin ayrıca təlimatı hazırlanır və analizlər həmin təlimat əsasında həyata keçirilir. Bundan əlavə, hər bir pasiyentə verilən nəticənin düzgünlüyünə əmin olmaq üçün laboratoriyada aparılan bütün testlər pasiyentlərə təqdim olunmadan öncə yenidən xüsusi sistem əsasında təkrar yoxlanılır.

Test nəticələri izahlı şəkildə pasiyentlərə təqdim edilir.