ÜST-nin Azərbaycandakı Nümayəndəliyinin üç əməkdaşı Danimarkanın Kopenhagen şəhərində keçirilən “Layihə və dəyişikliklərin idarə edilməsinin əsasları” adlı seminarda iştirak ediblər.

Aztibb.az ÜST-nin Azərbaycan Nümayəndəliyinin feysbuk səhifəsinə istinadla bildirir ki, layihənin və layihələrdə baş verən dəyişikliklərin idarə edilməsinə yönəlmiş seminarda ÜST-nin Avropa regionunda yerləşən on bir ölkə ofisinin nümayəndələri iştirak ediblər.

Seminarın məqsədi iştirakçılara öz bacarıqlarını artırmaq imkanı verməklə, interaktiv qrup işi və keys tədqiqatları vasitəsilə layihə və dəyişikliklərin idarə edilməsinin əsaslarını öyrənməkdən ibarət olub. Bundan əlavə, öyrənilmiş anlayışları müxtəlif hallarda tətbiq etmək, mövzuların praktiki anlayışını gücləndirmək üçün xüsusi sessiyalar təşkil edilib.

Tədbir, həmçinin layihənin idarə edilməsi təcrübələrində müsbət dəyişikliklərə gətirib çıxara biləcək əməkdaşlığı inkişaf etdirmək məqsədi daşıyıb.