1 il əvvəl xroniki böyrək xəstəliyi ilə bağlı həftədə 3 dəfə hemodializ proqramı alan xəstəmizə ürək əməliyyatı və böyrək köçürülmə əməliyyatı icra etdik.

 

Aztibb.az xəbər verir ki, bu barədə Mərkəzi Klinikanın həkim-nefroloqu Xəyal Rüstəmov sosial şəbəkədə məlumat paylaşıb.

 

Məlumatda qeyd olunub: "Öncə Mərkəzi Klinik Xəstəxananın baş həkimi professor Kamran Musayev tərəfindən xəstənin sağ qulaqcığındakı tromb xaric edilib, daha sonra anasından alınan böyrək pasiyentə köçürülüb. Hər iki əməliyyat uğurla başa çatıb.

 

Mütəmadi olaraq həkim müayinələrində olan xəstəmiz 1 ilin tamamında da yenidən müayinəyə gəlib. Hər şey yolunda olduğu üçün o, əməliyyatda əməyi keçənlərə təşəkkürünü bildirib".