Səhiyyə Nazirliyinin İctimai Səhiyyə və İslahatlar Mərkəzi (İSİM) tərəfindən Binə qəsəbəsi 149 saylı orta məktəbdə maarifləndirici tədbir təşkil olunub.

 

Mərkəzdən Aztibb.az-a bildirilib ki, tədbirin məqsədi oturaq həyatın sağlamlığa vurduğu ziyanı, fiziki aktivliyin əhəmiyyəti barəsində uşaqları məlumatlandırmaq və sağlam həyat yaşamağa çağırmaq idi.

 

İSİM-in Monitorinq və təhlil şöbəsinin müdiri İnara Makayeva, Təlim-resurs şöbəsinin müdir müavini Pərvin Quliyeva və həkim-metodisti Sevinc Bağırova çıxış edərək fiziki aktivliyin əhəmiyyəti, növləri barədə ətraflı məlumat veriblər.

 

İnteraktiv oyun şəklində keçirilən tədbir zamanı şagirdlər komandalara bölünərək müxtəlif idman növləri üzrə yarışıblar.

 

Yekunda qalib komandalara mükafatlar, medallar və müxtəlif hədiyyələr təqdim olunub.