Aztibb.az-a Azərbaycan Oftalmoloqlar Cəmiyyətindən verilən xəbərə görə, konfransın keçirilməsində məqsəd göz dibi xəstəliklərinə aid cərrahiyyədə baş verən ən son yenilikləri araşdırmaq, yeni müalicə üsullarından istifadə etmək və təkliflər vermək olub.

 

Konfrans t.e.d. Müşfiq Kərimov, t.ü.f.d. Polad Məhərrəmov, t.ü.f.d. Lalə Axundova, t.ü.f.d. Xalid Əliyev, t.ü.f.d. Aişə Şahmalıyeva, t.e.d. dos. Tural Qəlbinur, Emin Əlihüseynli, t.ü.f.d. Natavan Əliyeva, Nigar Şahbazova, Anar Rəhimov, Nurana Nuriyevanın moderatorluğu ilə həyata keçirildi.

 

Tədbirdə “Mərkəzi seroz xorioretinopatiyaların müalicəsində müasir yanaşma”, “Sarkoidoza bağlı uveit”, “Şəkərli diabet zamanı uveitin kliniki-immunoloji xüsusiyyətləri”, “Diabetik makula ödeminin müalicəsində proqnostik faktorlar”, “Görmə siniri patologiyalarının diaqnostikasında VEP müayinəsinin rolu” və s. mövzularda məruzələr dinlənilib, müzakirələr aparılıb.