Şəmkir Rayon Mərkəzi Xəstəxanasında “Süd vəzi xərçəngi və onun erkən diaqnostikası” mövzusunda seminar keçirilib.

Xəstəxanadan Aztibb.az-a bildirilib ki, tədbirdə Azərbaycan Tibb Universitetinin Onkologiya kafedrasının dosenti Həqiqət Vəliyevanın “Süd vəzi xəstəliklərinə multidissiplinar yanaşmada digər ixtisas həkimlərinin rolu” mövzusunda məruzəsi dinlənilib.

H.Vəliyeva bildirib ki, xərçəngin diaqnostikası üçün istifadə edilən metodlar arasında özünü müayinənın xüsusi yeri var. Yəni, qadınların özlərini müayinə etməsi və hər hansı bir əlamət aşkar etdikdə həkim müayinəsinə gəlmələri xəstəliyin erkən mərhələdə aşkar olunmasına və müalicə nəticələrinin yaxşılaşmasına təsir göstərir.

Məruzəçi qeyd edib ki, süd vəzi xərçəngi xəstəliyini aşkar etmək üçün bir çox müayinə üsullarından istifadə olunur. Bu müayinələrdən hər hansı birində xərçəng şübhəsinın olması hələ diaqnoz qoyulmasını təsdiq etmir. Bu metodlardan sadəcə biri, biopsiya vasitəsilə dəqiq diaqnoz qoymaq olur. Digər müayinə metodları biopsiya aparılması qərarını verməyə kömək edir.

Sonda iştirakçıların sualları cavablandırıb.