Səhiyyə Nazirliyi Elmi-Tədqiqat Kardiologiya İnstitutunun (ETKİ) rəhbərliyinin təşəbbüsü ilə Azərbaycan Uşaqlar İctimai Birliyinin nəzdində fəaliyyət göstərən Uşaq Sığınacağı Reinteqrasiya Mərkəzinin kiçik sakinləri ilə görüş keçirilib.

İnstitutdan Aztibb.az-a verilən xəbərə görə, ETKİ-nin direktoru, prof. Gülnaz Dadaşova və inzibati heyətin iştirak etdiyi görüş zamanı uşaqlar Azərbaycan Dövlət Akademik Teatrında qurulan tamaşaya dəvət olunublar.

ETKİ-nin kollektivi mütəmadi olaraq uşaqların təhsili, asudə vaxtlarının səmərəli keçirilməsi, sosial layihələrdə iştirakı ilə yaxından maraqlanır və onların ailəsinə çevrilən uşaq və yeniyetmələr ilə vaxt keçirtməkdən böyük məmnuniyyət hissi yaşayır.