Gəncə Şəhər Birləşmiş Xəstəxanasında (ŞBX) fəaliyyət göstərən uzman həkimlərin sayı artır.
Aztibb.az-a Gəncə ŞBX-dan verilən xəbərə görə, həkim-infeksionist Ülviyyə Abışova Abbas Səhhət adına xəstəxananın Yoluxucu şöbəsində fəaliyyət göstərməyə başlayıb.
O, 4 dekabr 1987-ci ildə Bakı şəhərində anadan olub. 2005-2011-ci illərdə Azərbaycan Tibb Universitetinin II Müalicə-profilaktika fakültəsində ali təhsil alıb. O, 2012-2016-cı illərdə Əziz Əliyev adına Azərbaycan Dövlət Həkimləri Təkmilləşdirmə İnstitutunda Qulaq-Burun-Boğaz ixtisası üzrə rezidentura kursu keçib. Ülviyyə Abışova 2018-2023-cü illərdə Çukurova Universiteti Tibb fakültəsində İnfeksion xəstəliklər və Klinik Mikrobiyologiya ixtisası üzrə təhsilini tamamlayaraq uzmanlıq dərəcəsi alıb.
Ülviyyə Abışova Türkiyə İnfeksion xəstəlikləri və Klinik Mikrobiyologiya Uzmanlıq dərnəyinin (EKMUD) üzvüdür.
