Gəncə şəhərində Azərbaycan Dövlət Aqrar Universitetinin tələbərinin iştirakı ilə uşaqların doğulanadək cins seçiminin qarşısının alınmasına dair maarifləndirici tədbir keçirilib.

 

Tədbirdə Səhiyyə Nazirliyinin İctimai Səhiyyə və İslahatlar Mərkəzinin (İSİM) Təlim-resurs şöbəsinin müdir müavini Pərvin Quliyeva “Reproduktiv sağlamlığın qorunması. Abort və onun fəsadları” mövzusunda təqdimatla çıxış edib.

 

İSİM-dən Aztibb.az-a bildirilib ki, tədbirdə P.Quliyeva selektiv abortun mənfi təsirləri barədə ətraflı məlumat verib.

 

Sonra Ailə, Qadın və Uşaq Problemləri üzrə Dövlət Komitəsinin, Gəncə şəhər İcra Hakimiyyətinin nümayəndələri çıxış edərək, uşaqların doğulanadək cins seçiminin qarşısının alınması istiqamətində ölkəmizdıə görülən işlərdən və dünya təcrübəsindən söz açıblar.

 

Yekunda iştirakçıları maraqlandıran suallar cavablandırılıb.