Aztibb.az "Həkimlərimizi tanıyaq!" rubrikasında peşəkar səhiyyə işçilərini tanıtmaqda davam edir. 

 

Rubrikamızda bu dəfə Qaradağ Tibb Mərkəzinin kardioloqu Xaliq Abbasov haqqında məlumatları diqqətinizə çatdırırıq. 

 

O, 11 iyun 1959-cu il tarixində Goranboy rayonu Qızılhacılı qəsəbəsində anadan olub. 1977-1983-cü illərdə Azərbaycan Dövlət Tibb İnstitunda Müalicə işi fakültəsində təhsil alıb.1983-1984-cü illərdə Xankəndi Şəhər Mərkəzi Xəstəxanasında terapevt ixtisası üzrə internatura keçib.

 

Xaliq Abbasov 1984-1987-ci illərdə Ağdərə rayonu Sırxavənd kənd ambulatoriyasının müdiri, 1987-1990-ci illərdə Şuşa RMX-nın Təcili Tibbi Yardım stansiyasının həkimi, 1990-1992-ci illərdə isə həmin xəstəxananın baş həkimi vəzifələrində çalışıb.

 

1992-1995-ci illərdə ön döyüş bölgəsində xidmət edən N saylı hh-də,1995-1997-ci illərdə digər N saylı hh “Anesteziologiya və intensiv terapiya” bölməsinin rəisi vəzifəsində həqiqi hərbi xidmətdə olub.

 

1998-2000-ci illərdə Səbail RHK-da terapevt işləyib. 2003-cü ildə keçmiş 17 saylı BŞX-da fəaliyyət göstərib. Hazırda Qaradağ Tibb Mərkəzində kardioloq vəzifəsində çalışır.

 

O, 2012, 2017, 2022-ci illərdə “Kardiologiya” ixtisası üzrə sertifikasiyadan keçib.