Bişektomiya əməliyyatı sonrası xəstə həmin gün evə buraxılsa da, onun bir müddət özünə diqqət etməsi vacibdir.

 

Aztibb.az-ın xəbərinə görə, xəstə 2-3 gün ərzində bərk qidalar əvəzinə maye qidalar qəbul etməlidir. Yara sağalana qədər spirt və siqaret istifadə edilməməlidir. Bu, yaraya zərər verəcək və sağalmanı gecikdirəcəkdir.

 

Həmçinin kəsiklərin infeksiyaya yoluxmaması üçün dişlərin təmizlənməsinə diqqət yetirmək çox vacibdir.

 

Ağız içindəki tikiş yerləri adətən 1 həftə ərzində sağalır. Yanaq nahiyəsində ödəm və ya şişkinliyin bir müddət davam etməsi normaldır. Xəstələrə şişkinliyi aradan qaldırmaq üçün soyuq kompres tətbiq etmək tövsiyə olunur.