Dövlət Gömrük Komitəsi Tibbi Xidmət İdarəsinin rəisi, t.ü.f.d., tibb xidməti general-mayoru Ceyhun Məmmədov və Dövlət Gömrük Komitəsi Tibbi Xidmət İdarəsinin Elmi-Təcrübi və Tədris Mərkəzinin rəisi, t.e.d. Rəşad Mahmudov Elmi-Tədqiqat Kardiologiya İnstitutunun təşkilatçılığı ilə keçirilmiş “Kardiologiyada yeni çağırışlar–2023” adlı beynəlxalq elmi konqresdə iştirak ediblər.
Mərkəzi Gömrük Hospitalından Aztibb.az-a verilən xəbərə görə, onlar "Heydər Əliyev İli"nə həsr edilmiş tədbirdə Ulu Öndərin Azərbaycan xalqı qarşısındakı misilsiz xidmətlərindən danışıb, konqresin təcrübə mübadiləsi baxımından əhəmiyyətini vurğulayıblar.
Tədbirdə, həmçinin Rəşad Mahmudov “İşemik ürək çatışmazlığında revaskulyarizasiyanın yeri: kimə və hansı yol?” mövzusunda təqdimatla məruzə edib.
Qeyd edək ki, beynəlxalq konqresdə Milli Məclisin deputatları, Azərbaycan Tibb Universitetinin tələbələri, ali təhsil və tibb müəssisələrinin nümayəndələri, Azərbaycan və Türkiyənin tanınmış elm xadimləri və “ETKİ könüllüləri” iştirak ediblər.
