Sabunçu Tibb Mərkəzinin Doğum şöbəsində üçəm dünyaya gəlib.

Mərkəzdən Aztibb.az-a verilən xəbərə görə, Doğum şöbəsinin müdiri Arzu Babayevanın rəhbərliyi ilə həyata keçirilən doğum uğurla icra olunub. Üçəmlərdən 2-si oğlan, biri isə qız övladıdır.

Mehdi və Mehrac adı verilən oğul övladlarının çəkisi 2 kiloqram 100 qram və 1 kiloqram 900 qram, Melisa adlı qızın çəkisi isə 2 kiloqramdır.

Onların vəziyyəti qənaətbəxşdir, artıq öz evlərinə yola salınıblar. 

Ailə göstərilən xidmətə görə, başda Sabunçu Tibb Mərkəzinin direktoru Nurəngiz Bəşirovaya və tibbi heyətə minnətdarlığını bildirib.

Qeyd edək ki, Sabunçu Tibb Mərkəzinə müraciət edərək Xidmətlər Zərfi daxilində Mama-Ginekologiya şöbəsində göstərilən tibbi xidmətlərdən tam təmənnasız yararlana bilərsiniz.