Məlum olduğu kimi, sosial şəbəkələrdə şəhid Rahim Tağıyevin qızı, 21 yaşlı Ülkər Tağızadənin iki həftə əvvəl Hepatit A diaqnozu ilə Kliniki Tibbi Mərkəzin infeksion xəstəliklər şöbəsinə yerləşdirilməsi və orada qızılcaya yoluxması barədə məlumat yayılıb.
TƏBİB Hepatit A xəstəsi olan şəhid övladı Ülkər Tağızadənin qızılcaya yoluxması barədə iddialara cavab verib.
Aztibb.aza TƏBİB-dən bildirilib ki, Ülkər Tağızadə Hepatit A diaqnozu ilə Kliniki Tibbi Mərkəzin İnfeksion xəstəliklər şöbəsində müalicə alıb. Xəstənin vəziyyəti qənaətbəxş olub və o, ambulator müalicə üçün evə buraxılıb.
Qeyd olunub ki, dekabrın 5-də bədən hərarəti kəskin yüksələn Ülkər Tağızadədə növbəti gün bədənin müxtəlif nahiyələrində qızılca səpkiləri müşahidə olunub. Xəstənin anası ilə tərəfimizdən əlaqə saxlanılıb və ixtisaslaşmış xəstəxanada onun müalicəsinin aparılması təklif olunub:
"Bildirmək istəyirik ki, qızılca və Hepatit A xəstələrinin müalicəsi eyni müalicə korpuslarında aparılmır. Qızılca virusuna hava-damcı yolu ilə, Hepatit A virusuna isə qidalardan və çirkli sudan (yaxşı yuyulmamış tərəvəz, hovuz və dəniz suyundan) yoluxma riski daha yüksəkdir".