"Şəki Rayon Mərkəzi Xəstəxanası" publik hüquqi şəxsdə TƏBİB-in İcraçı Direktoru Vüqar Qurbanovun müvafiq tapşırığına əsasən qurumun "Əlillik məsələləri üzrə iş şöbəsi"nin müdiri Şöhrət Söyziyev və şöbənin aparıcı məsləhətçisi Bahadır Əhmədovla görüş keçirilib.
Xəstəxanadan Aztibb.az-a bildirilib ki, məqsəd Azərbaycan Respublikası Prezidentinin müddətli həqiqi hərbi xidmətə çağırılan vətəndaşların tibbi şəhadətləndirilməsi sahəsində fəaliyyətinin təkmilləşdirilməsi ilə bağlı bəzi tədbirlər haqqında imzaladığı fərmana uyğun olaraq çağırışçıların tibbi müayinələrinin TƏB-lərdə mərkəzləşmiş qaydada tam və keyfiyyətli həyata keçirilməsinin təmin edilməsi və vahid mərkəzin müəyyən olunmasıdır.
Şəki-Zaqatala TƏB-nə daxil olan tibb müəssisələrinin direktorları Şəki RMX PHŞ-ın direktoru Məcid Əliyev, Zaqatala RMX PHŞ-ın direktoru Tamara Nurəliyeva, Qəbələ RMX PHŞ-ın direktoru Ceyhun Əhmədov, Balakən RMX PHŞ-ın direktoru Dilbər Quliyeva, Oğuz RMX PHŞ-ın direktoru Anar Əzizov, Qax RMX PHŞ-ın direktoru Tərlan Əhmədzadə iştirak ediblər.