Məlum olduğu kimi, dekabrın 7-də yerli vaxtla saat 08:16-da Azərbaycan ərazisində 5.6 maqnitudalı zəlzələ qeydə alınıb.

Aztibb.az-ın xəbərinə görə, TƏBİB-in İctimaiyyətlə əlaqələr və kommunikasiya departamentinin rəhbəri Zamirə Ədilova zəlzələ ilə əlaqədar Respublika Təcili və Təxirəsalınmaz Tibbi Yardım Mərkəzinə heç bir müraciətin daxil olmadığını bildirib.

Qeyd edək ki, zəlzələ Xəzər dənizinə yaxın olan rayonlarda və Abşeron yarımadasında bəzi yerlərdə 5 bal, bəzi yerlərdə isə 3 bala qədər hiss olunub. Zəlzələnin episentri Siyəzən stansiyasından 60 km şərqdə Xəzər dənizində olub.