Yaponiyanın Azərbaycandakı səfiri Vada Cüniçi və “Yardımlı rayonunda ailə sağlamlıq mərkəzinin tikintisi” layihəsinin benefisiar təşkilat qismində çıxış edən Yardımlı Rayon Mərkəzi Xəstəxanası arasında qrant müqaviləsi imzalanıb.

 

Aztibb.az TƏBİB-in rəsmi feysbuk səhifəsinə istinadla xəbər verir ki, layihədə Yardımlı rayonunun Çanaxbulaq kəndində ailə sağlamlıq mərkəzinin tikintisi planlaşdırılır. Mərkəzin sahəsinin 242 m2 olması, eləcə də tibb müəssisəsində 2 ailə həkim otağı, 1 prosedur otağı, 1 hamilə nəzarəti və reproduktiv sağlamlıq otağı, 1 çoxtəyinatlı teletibb otağı, 1 laboratoriya, 1 pediatr otağı, 1 peyvənd və uşaq gözləmə otağı, 1 diş həkimi otağı, 1 mətbəx və istirahət otağı, 1 qarderob, 1 təsərrüfat otağı, 2 sanitar qovşağının tikilməsi planlaşdırılıb.