Azərbaycan Respublikasının Prezidenti yanında Ali Attestasiya Komissiyasının qərarı ilə Akademik M.A.Topçubaşov adına Elmi Cərrahiyyə Mərkəzinin Elmi terapevtik qastroenterolofiya şöbəsinin qastroenteroloqu Turan Kərimovaya tibb elmləri üzrə fəlsəfə doktoru elmi dərəcəsi verilib.
Aztibb.az-ın xəbərinə görə, onun dissertasiya işi "Xroniki qəbizliyə görə yerinə yetirilən subtotal kolektomiyadan sonra homeostazın bir sıra göstəricilərinin dinamikası və onların həyat keyfiyyətinə təsiri" mövzusuna həsr olunub.
Elmi işdə subtotal kolektomiyanın (SKE) törətdiyi funksional və homeostaz dəyişikliklərin xarakteri və tezliyi, bağırsaqdaxili mikrofloranın tərkibi, invaziya səviyyəsinin anastomozun növündən asılılığı təsdiq edilib və həmin dəyişikliklər postkolektomik sindrom kimi təsvir edilərək onun ağırlıq dərəcəsi təsnif edilib.
Tədqiqatlar zamanı xroniki qəbizliyin dekompensasiya studiyasında SKE-nin aparılmasının məqsədə uyğunluğu təsdiq edilib.
