İnstitutdan Aztibb.az-a verilən xəbərə görə, müəssisənin direktoru, prof. Sədaqət Hüseynovanın sədrliyi ilə keçirilən iclasda, institutun elmi katibi, baş həkim, elmi şuranın üzvləri və elmi işçilər iştirak ediblər.

 

Öncə prof. Sədaqət Hüseynova iclasın gündəliyinə uyğun olaraq institutun elmi istiqamətlərini, cari ildə elmi işçilərin hazırladıqları mövzuların iş planının əsas müddəalarının müzakirə olunacağını şura üzvlərinə bildirib.

 

Sonra Artrologiya bölməsinin rəhbəri S.Kərimovanın "Naftalan neftinin yeni preparatlarının osteoartrozlu xəstələrin müalicəsində tətbiqi", Naftalanla müalicə bölməsinin rəhbəri N.Nəbiyevin "Azərbaycanda müalicəvi palçıqların və naftalan neftinin təsir mexanizmlərinin öyrənilməsi və müxtəlif xəstəliklərdə yeni müalicə üsullarının işlənib hazırlanması" adlı mövzuların planlarının müzakirəsi və təsdiqi olub.

 

Daha sonra institutun vakant elmi işçisi vəzifəsini tutmaq üçün iddiaçı N.Həsənzadənin kiçik elmi işçi vəzifəsinə qəbulu üçün müsabiqə keçirilib. Gizli səsvermədən sonra nəticə təsdiq edilib.

 

Yekunda gündəlikdə olan məsələlər şura üzvləri ilə müzakirə edilib, irad və təkliflər səsləndirilib, qərarlar qəbul edilib.