Mərkəzi Gömrük Hospitalında növbəti seminar keçirilib.

Hospitaldan Aztibb.az-a bildirilib ki, tədbirdə Cərrahiyyə şöbəsinin rəisi, ümumi cərrah Namiq Növruzov “ASSİT diaqnostikası və müalicə prinsipləri” mövzusunda təqdimatla çıxış edib.

Tədbirdə Mərkəzi Gömrük Hospitalının rəis müavini Nabil Seyidov, Ümumi Cərrahiyyə şöbəsinin ümumi cərrahı, t.ü.f.d. Aynur Səfiyeva, terapevt Xumar Novruzova, həkim rezidentlər və tibb tələbələri iştirak ediblər.

Namiq Novruzov çıxışında ASSİT-in yaranma səbəbləri, növləri, təsnifatı, diaqnostika metodları, periopertaiv tədbirlər, eləcə də ASSİT müalicəsi, ASSİT zamanı əks göstərişlər barədə barədə ətraflı məlumat verib.

Qeyd edək ki, tədbir Mərkəzi Gömrük Hospitalının rəsmi facebook səhifəsi üzərindən canlı yayımlanıb.

Linki təqdim edirik: https://www.facebook.com/customshospital/