Gəncə Şəhər Birləşmiş Xəstəxanasından bildirilib ki, qarın şişkinliyi, qanaxma və bu kimi digər şikayətlərlə xəstəxanaya müraciət edən qadın ilk olaraq müayinə olunub və nəticədə xəstədə təxmini ölçüləri 25, 8, 5 smlik olan iri miomalar aşkar edilib ki, bu cür böyük ölçülü miomalar qadınlarda hamilə qalmağı əngəlləyir.

 

Bu xəstələrin ən böyük qorxusu uşaqlıq və uşaqlıq yolunun zədələnməsidir. Miomanın götürülməsi və ya uşaqlığın çıxarılması xəstələrin gələcəkdə ana olmaq xəyallarını tamamilə məhv edir. Lakin miomanın ölçüsündən asılı olmayaraq yalnız miomanı çıxarmaq mümkündür.

 

Əməliyyatı Ginekologiya və doğum şöbəsinin uzman həkim-mama-ginekoloqu Gülnar Səmədova, ginekoloqlar Şəhla Hüseynova və Yeganə Səmədovna icra ediblər.

 

Uğurla keçən əməliyyatla miomalar xaric edilib və müayinədən sonra bu miomaların xoşxassəli olduğu müəyyən edilib.

 

Qeyd edək ki, əməliyyatdan 6 ay sonra qadına hamilə qalması üçün müalicə təyin ediləcək.