İsrail ordusunun mühasirə, basqın və hücumlarına hədəf olan Qəzza zolağında Şifa xəstəxanasının Dializ şöbəsi iki həftə sonra yenidən açılıb və ilk mərhələdə burada 50 böyrək xəstəsi müalicə olunub.

Aztibb.az-ın medimagazin.com.tr-yə istinadla xəbərinə görə, 67 yaşlı fələstinli böyrək xəstəsi Əbdülhəkim əl-Medhun Qəzza zolağının şimalındakı Beyt Lahiya qəsəbəsinin sakini olduğunu və 15 gündən sonra ilk dəfə Şifa xəstəxanasında dializdən keçdiyini bildirib.

Medhun, əvvəllər həftədə üç dəfə dializdən keçdiyini, lakin Qəzza zolağına hücumların başlaması ilə seansların sayının və seans başına saatların azaldığını söyləyib.

Şifa Xəstəxanası Böyrək Xəstəlikləri və Transplantasiya şöbəsinin müdiri Qazi əl-Yazıcı Qəzza zolağında 200 böyrək xəstəsi olduğunu və xəstəxanadakı dializ şöbəsinin yenidən fəaliyyətə başlamasından sonra 50 pasiyentin dializ seanslarına başladığını deyib.

Qazi əl-Yazıcı xəstəxananın əsas generatoru işə salmaq üçün lazım olan yanacaq çatışmazlığı, su, tibbi ləvazimat və lazımi dərman çatışmazlığı səbəbindən böyük çətinliklərlə üzləşdiyini vurğulayıb.