Bu gün Qəzzadan 26 xəstənin 24 həyat yoldaşı ilə birlikdə Ankaraya gətiriləcəyi gözlənilir.

Aztibb.az-ın medimagazin.com.tr-yə istinadla xəbərinə görə, AK Partiya Qrup Toplantısı öncəsi mətbuat nümayəndələrinin suallarını cavablandıran Səhiyyə naziri Fahrettin Koca bildirib ki, Milli Müdafiə Nazirliyinə məxsus təyyarə bu gün səhər saat 08.30 radələrində əsasən dərman, inkubator və ventilyatordan ibarət tibbi ləvazimatları yükləyərək Misirə yola düşüb. 

Xəstə transferi üçün üç ölkənin koordinasiya qrupunun sıx əməkdaşlıq etdiyini bildirən Koca, "Bu gün cəmi 26 xəstə, 24 yoldaş və 50 nəfər gətirməyi planlaşdırdıq. Bilirik ki, körpə balalamızda sınıqlar var. Onlardan ən kiçiyi 7 aylıqdır... Heç bir şey çıxmasa, əksəriyyəti uşaq və gənclər olmaqla 26 nəfəri köçürmüş olacağıq”, - deyib.

Nazir yaralıların müalicəsinin Etlik və Bilkent Şəhər Xəstəxanalarında davam etdiriləcəyini bildirib.