Noyabrın 29-da keçirilən Akademiyanın Ümumi yığıncağında Nobel mükafatı laureatı Əziz Səncərin AMEA-nın fəxri üzvü seçilməsi haqqında məsələyə baxılıb.
Aztibb.az xəbər verir ki, məsələ ilə bağlı çıxış edən AMEA-nın prezidenti, akademik İsa Həbibbəyli indiyədək 17 nəfərin AMEA-nın fəxri üzvü seçildiyini diqqətə çatdırıb.
Bildirib ki, ölkə başçısının 3 noyabr 2023-cü il tarixli Fərmanı ilə təsdiq edilmiş “Azərbaycan Milli Elmlər Akademiyasının Nizamnaməsi”nin 5.6. bəndinə əsasən, dünya miqyasında dövlət, ictimai, elm və mədəniyyət xadimləri kimi tanınmış Azərbaycan Respublikası vətəndaşları, əcnəbilər və vətəndaşlığı olmayan şəxslər Akademiyanın fəxri üzvləri seçilə bilərlər.
Nobel mükafatı laureatı Əziz Səncərin AMEA-nın fəxri üzvü seçilməsi ilə bağlı səsvermə keçirilib və türkiyəli alim Akademiyanın fəxri üzvü seçilib.
