Akademik Mirməmməd Cavadzadə adına Respublika Kliniki Uroloji Xəstəxanasında “Prostat vəzin hiperplaziyası: müasir yanaşma və müalicə taktikası” mövzusunda seminar təşkil olunub.
Xəstəxanadan Aztibb.az-a bildirilib ki, seminarda Endourologiya şöbəsinin həkim-uroloqu Nehmət Beygiyev məruzəçi kimi çıxış edib.
Tibb heyəti tərəfindən böyük maraqla qarşılanan seminar zamanı mövzu ətrafında interaktiv müzakirə aparılıb. Klinikada fəaliyyət göstərən professor və aparıcı mütəxəssislər də öz təcrübələrini bölüşüblər.
Qeyd edək ki, Akademik Mirməmməd Cavadzadə adına Respublika Kliniki Uroloji Xəstəxanasında mütamadi olaraq həkimlərin, xüsusilə də gənc kadrların və klinikada fəaliyyət göstərən rezidentlərin maarifləndirilməsi üçün urologiyanın aktual problemlərinə həsr edilən seminar və dəyirmi masalar təşkil olunur. Məqsəd həkimlərin praktika ilə yanaşı, nəzəri biliklərini daha da möhkəmləndirməkdən ibarətdir.
