Banqladeşdə ilin əvvəlindən bəri denge qızdırmasından ölənlərin sayının 1600-ü keçdiyi açıqlanıb.

Aztibb.az-ın medimagazin.com.tr-yəistinadla məlumatına görə, Banqladeş Səhiyyə Xidmətləri Baş Müdirliyi (DGHS) ölkədə son 24 saatda 8 nəfərin denge qızdırmasından öldüyü bildirilib.

DGHS-in verdiyi açıqlamada qeyd olunub ki, bu ilin əvvəlindən dang qızdırması səbəbindən ölüm halları 1600-ü keçib.

Bu gün aşkarlanan 920 yeni yoluxmanın xəstəxanalara göndərilməsi ilə ümumi yoluxma sayının 309 mini keçdiyi, ölkə daxilində 3 min 493 xəstənin xəstəxanalarda müalicə olunduğu paylaşılıb.

Banqladeşdə denge qızdırması səbəbindən bir ildə ən çox ölüm halı (281 nəfər) daha əvvəl 2022-ci ildə  qeydə alınmışdı.

Tropik və subtropik bölgələrdə baş verən Denge qızdırması insanlara ağcaqanadlar vasitəsilə keçir. İnkubasiya dövründən sonra ümumiyyətlə yüngül qızdırma ilə müşahidə olunan xəstəlik bəzi hallarda ölümlə nəticələnir.