Almaniyanın BioNTech biotexnologiya şirkətinin həmtəsisçisi və baş direktoru, prof. Uğur Şahin ilk mRNT əsaslı xərçəng peyvəndlərinin 2030-cu ildən əvvəl təsdiqlənməsini gözlədiklərini söyləyib.

Aztibb.az-ın medimagazin.com.tr-yə istinadla məlumatına görə, U.Şahin, həmçinin 2025-2029-cu illərdə digər terapevtik yanaşmalar üçün sınaq məlumatlarını planlaşdırdıqlarını deyib.

Məqsədlərinin hər bir xəstəyə xas xərçəng peyvəndi hazırlamaq olduğunu vurğulayan Şahin bildirib ki, bunun üçün hər bir xəstənin xərçəng xüsusiyyətlərini təhlil edir və immun sisteminin mümkün qədər çox şiş hüceyrəsini tanıyıb məhv etməsinə imkan verəcəklərini seçirik.

Digər bir ümid qaynağının antikor-dərman konjuqatları (ADC) olduğuna diqqət çəkən professor qeyd edib ki, ADC-lər kimyaterapiya daşıyan anticisimlərdir: "Onlar qanda dolaşır, şişə çatır və oradakı kimyaterapiyanı hədəflənmiş şəkildə buraxırlar. Bu müalicənin əhəmiyyətli bir hissəsi şişi çox tez kiçildə bilməsidir. Əminəm ki, bir neçə il ərzində bir xərçəng müalicəsində klassik kimyaterapiya əvəzinə məqsədyönlü kimyaterapiya kimi daha çox ADC istifadə olunacaq."