Qəzza zolağında Şifa xəstəxanası və İndoneziya xəstəxanasını zorla təxliyə edərkən İsrail hərbçiləri tərəfindən saxlanılan 10 həkimdən günlərdir xəbər yoxdur.

Bu barədə Aztibb.az medimagazin.com.tr-yə istinadla xəbər verir.

Fələstinin Cəsur Ürəkli Həkimlərinin instaqram hesabından edilən açıqlamada İsrail qüvvələrinin 18-23 noyabr tarixləri arasında Qəzza zolağında Şifa xəstəxanası və İndoneziya xəstəxanasını zorla boşaltdığı xatırladılıb.

İsrail qüvvələrinin eyni tarixlərdə Qəzzanın cənubuna doğru "təhlükəsiz yol"da Şifa Xəstəxanası və İndoneziya Xəstəxanasında çalışan həkimləri nəzarətə götürdüyü ifadə edilən açıqlamada nəzarətə alınan 10 həkimin adı yer alıb.

Şifa Xəstəxanasından direktor Məhəmməd Ebu Silmiyye ilə yanaşı, İndoneziya Xəstəxanasından Münir əl-Şahrit, Yusuf Berekat, Salih Alviye, Ekrem Ebu Avde, İyad Abid, Muhammed Ebu Ayta, Ekrem Hüseyin və Muhammed Ebu el-Cebin saxlanıldığı bildirilib. Saxlanılanlar arasında diş həkimi Mumin Ebu Hudayrın da olduğu paylaşılıb.

Səhiyyə Nazirliyinin Qəzza zolağı üzrə sözçüsü Əşrəf əl-Qudra noyabrın 25-də verdiyi açıqlamasında qeyd edib ki, bölgədəki sağlamlıq mərkəzlərindən biri olan İndoneziya xəstəxanası İsrail ordusunun intensiv bombardman və basqınlarına məruz qalıb.