İnfarkt keçirdikdən sonra daxili orqanlarının yanlış tərəfdə olduğunu öyrənən 29 yaşlı Mert Kahraman, quraşdırılan süni ürək cihazı ilə ömrünü avam etdirir və daha sağlam həyat üçün orqan nəqli gözləyir.

Aztibb.az-ın medimagazin.com.tr-yə istinadla xəbərinə görə, döş qəfəsinin sağ nahiyəsindəki ağrılar səbəbilə müraciət etdiyi xəstəxanada ürəyi də daxil olmaqla bütün orqanlarının qarşı tərəfdə olduğunu öyrənən 29 yaşlı Mert Kahraman, süni ürək implantı ilə orqan bağışlanmasını gözləyir. 

Kahraman dünyada on mində bir görülən, bütün orqanların bədənin əvəzinə əks tərəfdə güzgü görüntüsü kimi yerləşdiyi nadir xəstəliklə doğulub və buna tibbdə "situs inversus totalis" deyilir.

Ürəyi sağ tərəfdə olduğu üçün 9 saat sonra infarkt keçirdiyi aşkarlanan Kahraman, müalicə üçün Koşuyolu Yüksek İhtisas Təhsil və Araşdırma Xəstəxanasına müraciət edib.

Buradakı həkimlər ürək transplantasiyasına ehtiyacı olan Kahramana uyğun donor tapılana qədər ürəkdən qan çıxarmaq vəzifəsini üzərinə götürən "süni ürək" cihazının (ventriküler köməkçi cihaz) quraşdırılmasına qərar veriblər.

Cərrahi yolla süni ürək aparatı quraşdırılan gənc xəstə "əsl ürəyinə" sahib olacağı günü gözləyir.

Ürək damar cərrahiyyəsi mütəxəssisi Hakan Hançer Yüksek İhtisas Təhsil və Araşdırma Xəstəxanasında bu diaqnozu olan bir xəstəyə ilk dəfə süni ürək cihazı əməliyyatı etdiklərini açıqlayıb. O, çətin olsa da xəstə üçün anatomik olaraq uyğun ürək donoru tapıldığında nəqlinin həyata keçiriləcəyini bildirib.