Aztibb.az bu barədə TƏBİB-in rəsmi feysbuk səhifəsinə istinadla xəbər verir.

 

Təlimin keçirilməsində məqsəd iş yerində baş verə biləcək sağlamlıqla bağlı arzuolunmaz hallar zamanı zərərçəkmiş və ya zədələnmiş şəxsə beynəlxalq protokollara uyğun formada ilkin yardım bacarıqlarını öyrətməkdir.

 

Təlimin ərzində iştirakçılar standartlara uyğun yüksək keyfiyyətdə ağciyər-ürək canlandırılmasını (CPR), huşu, tənəffüsü və ya nəbzi olmayan xəstə/yaralıya təməl həyat dəstəyi addımlarını öyrənəcəklər.

 

Həmçinin travma almış şəxslərə ilk yardım göstərmək və onların təhlükəsiz təxliyəsini təşkil etmək, hava yolu tıxanması yaşayan xəstə/yaralıya uyğun texnikaları istifadə edərək yardım, qanaxmalar zamanı qanı saxlamaq və sarğı qoymaq, həşarat sancması və ilan dişləməsi zamanı ilkin yardım göstərmək, qida və ya dərman zəhərlənməsi zamanı ilkin müdaxilə, ilk yardım zamanı şəxsi gigiyena və fərdi təhlükəsizlik qaydaları və s. bacarıqları əldə edəcəklər.