Tərtərdə həssas əhali qrupu üçün səyyar tibbi aksiya keçirilib  
24.11.2023 17:14
Tərtər Rayon Mərkəzi Xəstəxanasının (RMX) təşkilatçılığı ilə Tərtər rayon Evoğlu kəndində yerləşən tibb məntəqəsində aztəminatlı ailələr üçün səyyar tibbi aksiya keçirilib.
 
Aztibb.az-a Tərtər RMX-dan bildirilib ki, aksiyanın keçirilməsində məqsəd TƏBİB-in və İcbari Tibbi Sığortanın yaratdığı imkanlar çərçivəsində təqdim olunan xidmətlərlə bağlı maarifləndirmə işlər aparmaqdır.
 
Aksiya çərçivəsində tibb müəssisəsinin müxtəlif ixtisaslı (laboratoriya, terapevt, pediatr, ginekoloq, şüa-diaqnostika və s.) həkimləri tərəfindən sakinlər müayinə edilib, onlara tibbi xidmət göstərilib.
 
Kənd sakinləri onlara göstərilən tibbi xidmətin səviyyəsindən razı qaldıqlarını bildiriblər.
ÇOX OXUNANLAR