Qəzza Səhiyyə Nazirliyi Ümumdünya Səhiyyə Təşkilatının (ÜST) Qəzza zolağındakı xəstəxanalarda xəstələrin və sağlamlıq qruplarının müalicəsini koordinasiya etməyi dayandırdığını açıqlayıb.
Aztibb.az-ın medimagazin.com.tr-yə istinadla məlumatına görə, Qəzzanın cənubundakı Xan Yunis şəhərində keçirilən mətbuat konfransında Səhiyyə Nazirliyinin sözçüsü Əşrəf əl-Qudra Şifa xəstəxanasının direktoru Məhəmməd Əbu Silmiyye də daxil olmaqla bəzi tibb işçilərinin İsrail qüvvələri tərəfindən saxlanılması ilə bağlı açıqlama verib.
"İşğal ordusunun səhiyyə işçilərini saxlaması ilə bağlı hesabat təqdim olunana qədər yaralıların və tibb işçilərinin təxliyəsi ilə bağlı Ümumdünya Səhiyyə Təşkilatı ilə tam koordinasiyanı dayandırmağa qərar verdik", - deyə bildirib.
Qəzzanın ən böyük səhiyyə müəssisəsi olan Şifa xəstəxanasının mühasirə, basqın və dağıntılara məruz qaldığını xatırladan Kudra, "Birləşmiş Millətlər Təşkilatının Şifa Xəstəxanasındakıların təxliyəsi üçün ÜST vasitəsilə koordinasiya quracağını söyləyib.
