Xəstəxanadan Aztibb.az-a verilən xəbərə görə, təlimdə tibb müəssisəsinin direktoru Fariz Babayev, direktor müavini və mərkəzin tibbi heyəti iştirak edib.

 

Tədqiqatlar və protokolların tətbiqi şöbəsinin müdiri Kəmalə Ağayeva çıxış edərək hər bir tibb müəssisəsində göstərilən xidmətin beynəlxalq standartlara uyğun və yüksək keyfiyyətdə olmasının vacibliyi barədə danışıb. Vurğulayıb ki, klinik protokolların tətbiqi və ona nəzarət üçün işlək mexanizmin qurulması, effektivliyinin analizi və bu sahədə elektron sənədləşmənin yaradılması olduqca önəmlidir.

 

Təlimin keçirilməsində məqsəd mövcud və daim yenilənən klinik protokolların personala çatdırılması və klinik protokolların tətbiqinə nəzarətin həyata keçirilməsini təmin etməklə tibbi xidmətin keyfiyyətinin yüksəldilməsidir.

 

Sonda həkimlər tərəfindən verilən suallar ətraflı şəkildə cavablandırılıb.