Qəzzanın şimalındakı bütün xəstəxanaların xidmətdən çıxdığı və mühasirəyə alınan İndoneziya Xəstəxanasında olanların təxliyəsi üçün BMT ilə koordinasiya aparıldığı bildirilib.

Aztibb.az medimagazin.com.tr-yə istinadla bildirir ki, İsrailin təxminən 2,3 milyon fələstinlinin yaşadığı Qəzza zolağına hücumları 47-ci gündür davam edir. Beynəlxalq ictimaiyyətin atəşkəs və humanitar fasilə çağırışlarına baxmayaraq, İsrail ordusu Qəzzanı bombalamağa davam edir.

Qəzzada Səhiyyə Nazirliyi tərəfindən edilən açıqlamada, Qəzzanın şimalındakı bütün xəstəxanaların xidmətdən çıxdığı qeyd edilib.

Qəzza hökumətinin məlumatına görə, İsrailin oktyabrın 7-dən bu yana həyata keçirdiyi hücumlarda Qəzza zolağında 5600-ü uşaq və 3550-si qadın olmaqla 13300 nəfər həlak olub.

Oktyabrın 7-dən bəri işğal altındakı İordan çayının qərb sahili və Qüdsdə İsrail qüvvələrinin və yəhudi məskunlaşanların hücumları nəticəsində 217 fələstinli həyatını itirib.