Həkim peşəsi ən ali, məsuliyyətli və xeyirxah peşə sahəsidir. Yarandığı gündən bu peşəyə hər zaman böyük hörmət və qiymət verilib. Bu qədim sənəti seçən insan daim fövqəladə vəziyyətlərə hazır olmalı və insanlara yardım etmək hissindən həzz almalıdır. 

 

“Həkimlərimizi tanıyaq!” rubrikamızda təqdim edəcəyimiz belə təbiblərimizdən biri də Ağdaş Rayon Mərkəzi Xəstəxanasının mama-ginekoloqu Fəridə Hacıyevadır.

 

O, 1956-cı ildə Ağdaş rayonunda anadan olub. 1973-1979-cu illərdə Azərbaycan Tibb Universitetinin Müalicə profilaktika fakültəsində təhsil alıb. 1979-1980-ci illərdə F.Əfəndiyev adına 4 saylı Şəhər Klinik Xəstəxanasında internatura keçib.

 

Fəridə Hacıyeva 1980-1987-ci illərdə Ağdaş MRX-nın müxtəlif şöbələrində həkim-terapevt, 1987-1991-ci illərndə Ağdaş rayonu, Pirəzə KSX-də həkim mama-ginekoloq vəzifələrində çalışıb. 1992-2010-cu illərdə Ağdaş rayonu Doğum evində mama-ginekoloq, 2010-2020-ci illərdə Ağdaş rayonu Ləki qəsəbə xəstəxanasında mama-ginekoloq işləyib. 2020-ci ildən “Ağdaş RMX” PHŞ-nin Ginekologiya şöbəsində həkim mama-ginekoloq kimi fəaliyyətini davam etdirir.