Yol-nəqliyyat hadisəsi nəticəsində xəsarət alan 2020-ci il təvəllüdlü azyaşlı ağır vəziyyətdə TƏBİB-in tabeliyindəki Sabunçu Tibb Mərkəzinə yerləşdirilib.
TƏBİB-dən Aztibb.az-a bildirilib ki, azyaşlıda huşsuzluq, tənəffüs pozğunluğu müşahidə olunurdu və ona açıq-kəllə beyin travması, baş-boyunun əzilməsi, qarın nahiyəsinin küt travması, sağ qulağın qanaması diaqnozları qoyulub.
Sabunçu Tibb Mərkəzinin Reanimasiya şöbəsinə yerləşdirilən uşaq, şöbənin müdiri Namiq Dəmirçiyev və uzman həkim Leyla Mercan tərəfindən müayinə olunub.
Xəstənin damar yolları açılaraq müvafiq infuziyalar aparılıb. Burun, ağciyər yolları intubasiya olunaraq süni tənəffüs aparatına qoşulub. Həmçinin müvafiq USM müayinəsi olunaraq, analizlər götürülüb.
Azyaşlı müalicəsinin davamı üçün Leyla Mercanın da müşaiyyətilə Respublika Neyrocərrahiyyə Xəstəxanasına təxliyə olunub. Həkim-neyrocərrah Rövşən Bağırovun müşahidəsi altında davam edən müalicənin nəticəsində azyaşlının səhhətində müsbət dinamika müşahidə edilib və süni tənəffüs aparatından ayrılıb. Azyaşlı tamamilə sağlamlığına qovuşaraq ambulator müalicə üçün evə buraxılıb.