Aztibb.az xəbər verir ki, Mərkəzi Klinikanın ümumi cərrahı, transplantoloq Tariyel Nadirov bildirib ki, uzun müddət idi polikistik böyrək xəstəliyi səbəbilə böyrək çatışmazlığı yaranan və dializə girən xəstəni bacısı təkrar həyata bağlayıb.

 

"Məsələ böyrək köçürülməsi olduqda bacısı heç fikirləşmədən könüllü donor olub", - deyə həkim əlavə edib.

Tariyel Nadirov hazırlıqlar bitdikdən sonra hər ikisi əməliyyata alınan bacıların əməliyyat sonunda palata görüşündə sevindiklərini bildirib.

 

Transplantoloq hər ikisinin vəziyyəti və xəstənin kreatin dəyərləri tam normal olduğu üçün donoru evə yola saldıqlarını, yaxın günlərdə isə xəstəni evə göndərməyi planladıqlarını deyib.

 

O, əməliyyatda əməyi keçənlərə təşəkür edib.