Azərbaycan Respublikası Səhiyyə Nazirliyinin, Azərbaycan Pediatriya Cəmiyyətinin və "Kistik Fibroz Xəstələrinə Yardım" İctimai Birliyinin birgə təşkilatı dəstəyilə "Müasir tibbdə kistoz fibroz - Standart müalicədən modulyator müalicəyə doğru" adlı dəyirmi masa keçirilib.
"Kistik Fibroz Xəstələrinə Yardım" İctimai Birliyindən Aztibb.az-a verilən xəbərə görə, tədbir Ulu Öndər Heydər Əliyevin anadan olmasınin 100 illiyinə həsr olunub.
Tədbirdə kistoz fibroz xəstəliyinin müalicəsi, ölkəmizdə və dünyada bu xəstələrin mövcud vəziyyəti haqqında geniş məlumatlandırma və KIFYIB-in 6 illik fəaliyyəti haqqında təqdimatlar edilib, eləcə də KF xəstələri və onların valideynləri tərəfindən hazırlanmış videomüraciət təqdim olunub.
Həmçinin ölkəmizdə KF xəstələrinin dərman təminatının davamlılığı, bölgələrdə yaşayan pasiyentlərin mərkəz Bakıya hər ay dərmanlara görə davamlı gələ bilməmə problemi, bölgələrimizdə mütəxəssis həkimlərin çatışmazlığı kimi məsələlər müzakirə edilib.
