Səhiyyə Nazirliyi Respublika QİÇS-lə Mübarizə Mərkəzinin (RQMM) təşəbbüsü, Abşeron-Xızı Regional Təhsil İdarəsinin dəstəyi ilə növbəti maarifləndirici aksiya Xızı şəhər tam orta məktəbində təşkil olunub.

 

RQMM-dan Aztibb.az-a verilən xəbərə görə, “Sağlam gənclik – sağlam gələcək” adlı tədbirdə məktəbin yuxarı sinif şagirdləri və müəllimləri iştirak ediblər. Aksiyada məktəblilər zərərli vərdişlərin fəsadları barədə məlumatlandırılıb.

 

Tədbirdə çıxış edən RQMM-in mütəxəssisi İnsanın İmmunçatışmazlığı Virusu (İİV) və Qazanılmış İmmun Çatışmazlığı Sindromu (QİÇS) ilə bağlı ətraflı məlumat verib. Gənclər arasında xəstəliyin yayılma təhlükəsi, virusdan qorunmağın yolları barədə məlumat verilib, bu virusa yoluxan insanların immunitetinin kəskin zəifləməsi nəticəsində bir çox xəstəliklərə asanlıqla tutulduğu diqqətə çatdırıb.

 

Sonda şagirdlərin mövzu ilə bağlı sualları cavablandırılıb. Məktəblilərə İİV/QİÇS-ə aid broşurlar və bukletlər paylanıb.