Qəzzadan çıxarılan xərçəng xəstələrinin bəziləri yoldaşları ilə birlikdə Türkiyəyə gətirilmək üçün Əl Ariş Hərbi Hava Limanına yola düşüb. Onlar Rəfah Sərhəd Qapısında Türkiyədən gələn həkimlər tərəfindən qarşılanıblar.

Bu barədə Aztibb.az medimagazin.com.tr-yə istinadla xəbər verir.

Türkiyənin səhiyyə naziri Fəxrəddin Koca Rəfah Sərhəd Qapısından keçən 26 xərçəng xəstəsi və onların 13 yoldaşının bu gün axşam saatlarında Türkiyəyə gətirilməsinin planlaşdırıldığını açıqlayıb.

Nazir bildirib ki, bu xəstələr ilk dəfə Qəzzadan müalicə üçün başqa ölkəyə göndərilirlər:"Biz Qəzzada səhra xəstəxanası yaratmaq istəyirik. Misirdə isə türk və digər həkimlərin gələn xəstələri birlikdə müalicə etmələrini istəyiik. İkinci mərhələdə Rəfah Sərhəd Qapısından keçən xəstələrin Türkiyəyə gətirilməsi üçün planlar hazırlanıb”.