Aztibb.az-ın "Həkimlərimizi tanıyaq!" rubrikasında bu dəfə Vüqar Qəniyevdən bəhs edəcəyik.

 

O, 8 avqust 1976-cı ildə Əli Bayramlı şəhərində anadan olub. N.Nərimanov adına Azərbaycan Dövlət Tibb Universitetinin Müalicə-profilaktika fakültəsinin məzunudur. 1999-2000-ci illərdə Şirvan Şəhər Onkologiya Xəstəxanasında onkologiya ixtisası üzrə internatura təhsili alıb.

 

V.Qəniyev 1997-ci ildə Şirvan ŞMX-nın Neyrocərrahiyyə şöbəsində tibb qardaşı, 2000-ci ildə Onkoloji Xəstəxanasında həkim-onkoloq, 2003-cü ildə Hacıqabul Rayon Mərkəzi Xəstəxanasının Poliklinika şöbəsində həkim-onkoloq, 2003-cü ildə Şirvan Tibbi Sanitar Hissəsində həkim-cərrah, 2004-cü ildə Şirvan Şəhər Mərkəzi Xəstəxanasının Onkoloji dispanserində həkim-onkoloq vəzifələrində çalışıb. 2006-2007-ci illərdə Azərbaycan Respublikası Ədliyyə Nazirliyinin Vərəmlə məhrumlar üçün ixtisaslaşdırılmış müalicə müəssisəsinin Cərrahiyyə bölməsində həkim-cərrah işləyib. 2008-ci ildə Şirvan Şəhər Mərkəzi Xəstəxanasının Rayonlararası Onkoloji Dispanserdə, 2008-ci ildə Şirvan Müalicə Diaqnostika Mərkəzinin Qəbul şöbəsində, Şirvan Şəhər Mərkəzi Xəstəxanasının Cərrahiyyə şöbəsində, 2021-ci ildə isə Şirvan Müalicə Diaqnostika Mərkəzində çalışıb. O, 2023-cü ildən Şirvan Şəhər Mərkəzi Xəstəxanasının Cərrahiyyə şöbəsində həkim-cərrah kimi fəaliyyətini davam etdirir.

 

20 sentyabr 2023-cü il tarixində antiterror əməliyyatları ilə əlaqədar olaraq əməliyyat bölgəsində ezamiyyətdə olduduğu müddətdə göstərdiyi xüsusi tibbi xidmətə görə Fəxri fərmanla təltif olunub.