Səhiyyə Nazirliyi V.Y.Axundov adına Elmi-Tədqiqat Tibbi Profilaktika İnstitutunun Epidemiologiya şöbəsinin müdiri, t.ü.f.d., dosent Lalə Rüstəmova, Epidemiologiya bölməsinin müdiri, b.e.d., dosent Nəsib Namazov, Protozoozlar bölməsinin müdiri, t.ü.f.d. Fatma Hüseynova, Yoluxucu xəstəliklərin epidemiologiyası bölməsinin müdiri Süleyman Məmmədov və Klinik şöbənin həkim-infeksionisti Xatirə Aslanova İsmayıllı və Qəbələ rayonlarında ezamiyyətdə olublar.
İnstitutdan Aztibb.az-a bildirilib ki, ezamiyyət müddətində qeyd olunan rayonların GEM-nin epidemioloq və entamoloqları ilə birlikdə leyşmaniozlar (dəri və visseral) və yuxarı tənəffüs yolları infeksiyalarının qeydiyyatı, laborator diaqnostikası, profilaktikası və epidemioloji nəzarətin təşkili məsələləri araşdırılıb.
İnstitutun mütəxəssis həkimləri iyulun 26-da İsmayıllı, iyulun 28-də isə Qəbələ rayonlarının Mərkəzi xəstəxanası və GEM əməkdaşlarının birgə iştirakı ilə elmi seminar keçirib, elmi tövsiyyələrini verib və elmi-metodik köməklik göstəriblər.